ᑲᑎᒪᔨᐅᖃᑕᐅᔪᑦ

ᔮᔅᒥᓐ ᕆᑦᐳᓐ (ᐊᖓᔪᖄᖅ, ᐊᒪᐅᑏᑦ)

ᔭᐋᔅᒥᓐ ᕆᑦᕗᐊᓐ ᐃᖃᓗᖕᒥᐅᑕᖅ ᓄᓇᕘᒻᒥ ᐃᓕᓐᓂᐊᒐᓂᒃᓯᒪᑉᓗᓐᓂ ᓄᓇᕘᒻᒥ ᐱᖁᔭᓕᕆᓂᕐᒥᒃ 2021 ᓴᔅᑳᓱᐊᓐ ᐃᓕᓐᓂᐊᕕᒡᔪᐊᖓᓂ. ᐃᓕᓐᓂᐊᕐᓗᓐᓂ ᑐᓂᔭᐅᓯᒪᔪᖅ ᐃᓕᑕᕆᔭᐅᔪᑎᓐᓂᒃ ᐃᓕᓐᓂᐊᕐᓂᕐᒥᓄᑦ ᐊᒻᒪ ᓄᓇᓕᖕᒥ ᐃᓚᐅᓂᕐᒥᓄᑦ. ᖁᕕᐊᒋᔭᓕᒃ ᐃᑲᔪᖅᑐᐃᓂᕐᒥᒃ, ᓄᓇᓕᖕᒥ ᐱᕈᖅᓴᐃᓂᕐᒥᒃ. ᐃᓕᓐᓂᐊᖅᓯᒪᑉᓗᓐᓂ ᓈᒻᒪᖏᑐᑦ ᐋᕿᒃᑕᐅᓂᖏᓐᓂᒃ. ᒪᓐᓇᐅᔪᖅ ᑲᑎᒪᔨᐅᔪᖅ ᓄᓇᕗᒻᒥ ᐱᔪᖕᓇᐅᑎᖃᖅᑐᑦ ᐋᕿᒃᓱᐃᔨᖏᓐᓂ, ᑲᓇᑕᒥ ᓄᓇᖃᖅᖃᖅᑐᑦ ᒪᓕᒐᕐᔪᐃᑦ ᐃᓕᓐᓂᐊᖅᑐᑦ ᑲᑎᒪᔨᖏᓐᓂ, ᐊᒻᒪ ᓄᓇᖃᖅᖃᖅᑐᑦ ᓈᒻᒪᒃᑐᓐᓂᒃ ᑮᓇᐅᔭᓂᒃ ᑐᓂᕈᓯᐊᖅᑕᕐᓂᖏᓐᓄᑦ ᑲᑎᒪᔨᐊᓛᓐᓄᑦ. ᓯᕗᓂᖓᓂ ᐃᓕᓐᓂᐊᕐᕕᖕᒧᑦ ᐅᑎᓚᐅᖏᓂᖓᓐᓂ ᑐᑭᓯᒧᐊᒃᑎᑦᓯᔨᐅᓚᐅᖅᑐᖅ ᐃᑲᔪᖅᑐᐅᑉᓗᓐᓂ ᐃᓄᓕᕆᔨᑯᓐᓂ ᐃᔨᖁᓯᓕᕆᔨᓂᓗ ᓄᓇᕗᒥ ᑐᖓᕕᒃᑯᓐᓂ. ᐱᓕᕆᓯᒪᑉᓗᓐᓂ ᓄᓇᖃᖅᖃᖅᑐᑦ ᒪᒃᑯᒃᑐᓕᕆᔨᖏᓐᓄᑦ ᑐᒡᓕᐅᑉᓗᓂᓗ ᐊᖓᔪᖃᒻᒧᑦ ᒐᕙᒪᒃᑯᑦ ᓄᓇᖃᖅᑳᖅᑐᑦ ᐱᓕᕆᖃᑎᒌᖕᓂᖏ ᐊᒻᒪᓗ ᐅᑭᐅᖅᑕᖅᑐᒥᑦ ᐱᓕᕆᐊᖑᔪᑦ ᑲᓇᑕᒥᐃᓵᒃᓯᒪᔪᑦ ᑲᑎᒪᔨᖏᓐᓄᑦ. ᐃᓚᐅᓕᖅᑐᖅ ᐊᑯᓐᓂ ᑲᓇᑕᐅᑉ ᓄᓇᖃᖅᖃᖅᑐᑦ ᒪᒃᑯᒃᑐᑦ ᐊᕐᓇᖏᑕ ᑲᑎᒪᔨᖏᓐᓂ ᐊᒪ ᑲᓇᑕᒥ ᓄᓇᖃᖅᖃᖅᑐᑦ ᐊᓐᓂᐊᓂᖅᑖᖅᑎᑦᓯᑕᐃᓕᓂᖏᓐᓄᑦ ᐊᕐᓇᐃᑦ ᐊᕐᓇᐅᖃᑎᒥᖕᓂᒃ ᐊᖑᑎᑦ ᐊᖑᑕᐅᖃᑎᒥᖕᓂᒃ. ᐃᓱᒪᒋᔭᖓ ᐊᓐᓂᐊᖅᑕᐃᓕᓂᖅ ᓄᓇᖃᖅᖃᖅᑐᑦ ᐊᕐᓇᖏᓐᓂ ᒪᒃᑯᒃᑐᓪᓗ, ᐊᒻᒪ ᐃᑲᔪᖅᑐᐃᑉᓗᓐᓂ ᐊᕐᓇᑦ ᐊᕐᓇᐅᖃᑎᒌᑦ ᐊᖑᑎᑦ ᐊᖑᑕᐅᖃᑎᒌᓐᓂ. 

ᑎᐊᕋ ᑐᑦᑐ ᕗᐊᑕᕆᖕᕼᐊᒻ (ᐊᖓᔪᖄᑉ ᑐᒡᓕᐊ, ᐊᒪᐅᑏᑦ)

ᑎᐊᕋ ᑐᑦᑐ ᕗᐊᑕᕆᖕᕼᐊᒻ (ᐊᖓᔪᖄᑉ ᑐᒡᓕᐊ) ᓴᖏᔪᒻᒥᒃ ᐃᓚᐅᓂᖃᖅᐳᖅ ᑲᖏᖠᓂᕐᒥ ᒫᓐᓇ ᓄᓇᖃᖅᓗᓐᓂ ᕼᐃᑎᖕᓕ, ᒫᓂᑑᐸᒻᒥ. ᓇᖕᒥᓂᖅ ᐱᓕᕆᐊᓕᒃ ᑕᐃᒪᖓᑦ 2000 ᐊᑐᐃᓐᓇᐅᑎᑦᓯᓂᕐᒥᒃ ᓄᓇᓕᐅᑉ ᐱᔪᒪᔭᖏᓐᓂᒃ ᐊᑐᖅᐸᓚᐅᖅᑕᖏᓐᓂᒡᓗ ᑕᐃᑉᓱᒪᓂ. ᐃᑲᔪᖅᑐᐃᔨᐅᔪᖅ ᓄᓇᖃᖅᖄᖅᑐᑦ ᐃᓱᒫᓘᑎᖏᓐᓂᒃ “ᐃᑲᔪᖅᑐᐃᕙᖕᓂᐊᖅᐳᒍᑦ ᐃᓄᐃᑦ ᓄᓇᓕᖏᓐᓂᒃ ᐊᑐᕆᐊᖃᖅᑕᖏᓐᓂᒃ ᐱᑕᖃᐃᓐᓇᖁᑉᓗᒍ.” ᑐᑦᑐ ᕗᐊᑕᕆᖕᑕᓐ ᐃᓚᐅᔪᖅ ᐊᒪᓐᓴᓐ ᑲᑎᒪᔨᖏᓐᓂ, ᑭᕙᓕᐅᑉ ᓇᖕᒥᓂᓖᑦ ᑲᑎᒪᔨᖏᓂ ᐊᒪ ᑭᕙᓕᕐᒥ ᒪᓕᒐᓕᐅᕐᕕᖕᒥ ᑲᑎᒪᔨᐅᑉᓗᓂ.

ᐅᑭᐅᓐᓂᒃ ᐊᒥᓱᓂᒃ ᑐᑦᑐ ᕗᐊᑕᕆᖕᕼᐊᒻ ᕼᐊᒻᓚᑯᓐᓂ ᑲᑎᒪᔨᐅᓚᐅᕐᒪᑦ ᐃᓱᒪᓕᐅᖅᑎᐅᖃᑕᐅᑉᓗᓐᓂ ᓄᓇᓕᖕᒧᑦ. ᐊᑐᓕᖅᑎᑦᓯᖃᑕᐅᓚᖅᐅᖅᐳᖅ ᑐᒡᓕᐊᓂ ᐸᐃᕆᑉᕕᖕᒥᒃ ᐊᒪ ᑎᒍᖅᑎᑦᓯᓂᕐᒥᒃ ᐃᑲᔪᖅᑎᐅᑉᓗᓐᓂ. ᑲᔪᓯᑎᐊᓚᐅᕐᒪᑦ ᓇᖕᒥᓂᖓ ᓯᓂᒃᑕᕐᕕᖃᓚᐅᕐᒪᑦ ᓄᑕᕋᖅᑖᕆᐊᖅᑐᖅᑐᑦ ᐃᓂᒃᓴᖓᓐᓂᒃ. ᐅᒃᑯᐃᖅᓯᑉᓗᓂᓗ ᑳᐱᑐᕐᕕᖕᒥᒃ; ᐃᓐᓇᐃᑦ ᒪᒃᑯᒃᑐᓪᓗ ᑲᑎᑦᑕᕐᕕᖓᓐᓂᒃ. ᑕᑉᑯᓄᖓ ᑐᓂᔭᐅᓚᐅᖅᐳᖅ ᒪᒃᑯᒃᑐᑦ ᓇᖕᒥᓂᖃᕐᓂᖏᓐᓄᑦ ᑐᓂᔪᓯᐊᕐᓗᓐᓂ ᓄᓇᕘᒻᒥ.

ᒫᓐᓇ ᑐᑦᑐ ᕗᐊᑕᕆᖕᕼᐊᒻ ᐊᐅᓚᑦᓯᔨᐅᕗᖅ ᐅᑭᐅᖅᑕᖅᑐᒻᒥ ᓂᐅᕕᕐᕕᖕᒥᒃ ᑭᕙᓪᓕᕐᒧᑦ, ᐅᑭᐅᑦ ᖁᓪᓕᑦ ᐅᖓᑖᓐᓂ. ᐱᖁᑎᓐᓂᒃ ᐊᒡᔭᖅᑐᖅᑎ ᐃᓄᐃᑦ ᓄᓇᖓᓐᓂᒃ ᐃᑲᔪᖅᐸᒃᐳᖅ ᐱᖃᐃᓐᓇᖁᑉᓗᒋᑦ ᓂᕿᓐᓂᒃ, ᐱᖁᑎᓂᒃ ᐊᑐᕆᐊᖃᖅᑐᓂᒡᓗ.

ᐳᕆᓯᓚ ᖁᒃᓱᒃ

ᐳᕆᓯᓚ ᖁᒃᓱᒃ ᐊᕐᕕᐊᕐᒥᐅᑕᖅ, ᓄᓇᕘᒻᒥ ᑭᓯᐊᓐᓂ ᓅᓯᒪᓕᖅᑐᖅ ᐋᑐᕚᒻᒧᑦ ᑕᐃᒪᖓᑦ 2016 ᐊᑐᖅᑎᓪᓗᒍ. ᐃᖃᓇᐃᔭᓚᐅᖅᓯᒪᔪᖅ ᓄᓇᕗ ᒐᕙᒪᖏᓐᓂ ᐱᕙᓪᓕᐊᔪᓕᕆᔨᑯᓐᓂ (ᐃᖃᓗᐃᓂ) ᐊᒻᒪ ᐃᓕᓐᓂᐊᕐᓂᓕᕆᔨᓂ (ᖃᒪᓂ’ᑐᐊᕐᒥ). ᐋᑐᕚᒻᒧᑦ ᓅᓐᓇᒥ ᖃᐅᔨᓚᐅᖅᐳᖅ ᐃᓄᒃᑐᑦ ᐅᖃᐅᓯᖅ ᑎᑎᕋᐅᓯᕐᓗ ᐊᑐᒐᐅᓗᐊᖏᒪᓐᓂᒃ ᐃᓕᓐᓂᐊᖅᑎᑦᑎᔨᓐᓄᑦ ᓄᑕᖃᒥᓂᒃ ᐃᓕᓐᓂᐊᖅᑎᑦᑎᔪᓐᓂ, ᐃᓕᓂᐊᒐᓂᒃᓯᒪᑉᓗᓂᓗ ᓄᑕᕋᓕᕆᓂᕐᒥᒃ ᐃᓅᓵᕐᓂᖏᓐᓂ ᐃᐅᒑᓐᑲᑦ ᓯᓚᑦᑐᖅᓴᕐᕕᖓᓐᓂ 2021-ᒥ. ᐃᓕᓐᓂᐊᖅᑎᓪᓗᒍ ᐊᔪᕈᑎᖃᓚᐅᖅᐳᖅ ᑮᓇᐅᔭᓐᓂᒃ ᐊᑐᒐᒃᓴᓐᓂᒃ ᐃᓕᓂᐊᕐᓂᕐᒥᓄᑦ. ᐃᓄᐃᑦ ᐃᓕᓂᐊᒐᓂᒃᓯᒪᓂᖓᓐᓂ ᐃᖃᓇᐃᔭᓕᓚᐅᖅᐳᖅ ᐃᓄᐃᑦ ᑕᐱᕇᒃᑯᓐᓂ ᑕᐃᑉᑯᐊ ᐃᓅᖃᑎᓐᓂ ᐃᑲᔪᕈᒪᑉᓗᓂᒋᑦ ᑮᓇᐅᔭᓂᒃ ᐊᔪᖅᓴᖅᑕᖅᑐᑦ.

ᐅᖃᐅᓯᖅ ᓇᒧᒥᐊᕐᓗ ᐊᐅᓪᓚᖅᑕᕐᓂᖅ ᐅᔨᕆᓯᒪᔭᒋᒃ ᖁᒃᓲᑉ. ᐱᕈᖅᓴᓂᕐᒥᓂ ᐃᓄᒃᑐᐃᓇᖅ ᐅᖃᕐᓂᕐᒥᒃ ᐊᔪᕈᖕᓇᐃᓚᐅᖅᐳᖅ, ᐃᖕᒥᓂᒃᓗ ᐊᔪᖏᑐᒋᑉᓗᓐᓂ ᐃᓄᒃᑐᑦ ᐅᖃᔪᓂᖓ ᐊᒪ ᑎᑎᕋᔪᓂᖓ, ᐃᓕᓂᐊᕐᓗᓂᓗ ᔪᐊᒪᓂᑐᑦ ᐊᒻᒪ ᐃᐊᕈᐱᒃᑐᑦ ᐃᓕᓂᐊᕐᓗᓐᓂ ᐊᓯᒥᓂᑦ. ᐊᑕᐅᓯᐅᖃᑎᒌᖕᓂᖅ ᐊᒻᒪ ᐃᓄᐃᑦ ᐱᔫᓪᓗᐊᕐᓂᖏᑦ ᐊᑐᕐᓂᖃᖅᐳᒃ ᖁᒃᓱᖕᒧᑦ; ᑐᑭᓯᓂᓗᒃᑕᕐᓗᓂᓗ ᓂᕕᐊᖅᓯᐊᑦ ᐊᒻᒪ ᐊᕐᓇᐃᑦ, ᐃᓚᒌᓪᓗ ᐱᔪᖕᓇᕐᓂᖏᓐᓂᒃ ᐋᕿᒍᑎᒃᓴᖏᓐᓂᒃ ᓇᓂᓯᓂᓗᒃᑕᕐᓗᓐᓂ ᐅᑉᓗᒥᐅᓕᖅᑐᖅ ᓄᓇᓖᑦ ᐊᔪᕈᑎᖃᕐᒪᑕ. 

ᐱᖓᓱᓐᓂᒃ ᓄᑕᕋᖃᖅᑐᖅ, ᐱᔫᒥᓵᕈᑎᖃᖅᐸᒃᑐᕐᓗ ᑲᔪᓯᑲᓂᕈᒪᔪᑕᐅᑉᓗᑎᒃ ᓄᑕᕋᖏᑦ.

ᑐᐊᑦᑎ ᑐᑦᑐ (ᐃᓐᓇᐅᑉᓗ ᖃᐅᔨᒪᔨ, ᐊᒪᐅᑎᓐᓄᑦ)

ᑐᐊᑦᑎ ᑐᑦᑐ ᓄᓇᕘᒥᐅᓄᑦ ᖃᐅᔨᒪᔭᐅᑎᐊᖅᑐᖅ ᐅᑭᐅᓐᓂᒃ 12-ᓂᒃ ᐱᓕᕆᓯᒪᓂᖓᓐᓄᑦ ᐅᖓᑕᖅᑐᒃᓴᖑᐊᕐᓄᑦ ᑲᖏᖠᓂᕐᒥ, ᐃᓕᓂᐊᖃᑕᐅᓚᐅᖅᓯᒪᑉᓗᓂ ᓄᓇᕘᒻᒥ ᓯᓚᑦᑐᖅᓴᕐᕕᖕᒥ ᑲᖏᖠᓂᕐᒥ. ᐃᑲᔪᖅᑐᐃᔨᐅᔪᖅ ᐃᓕᓂᐊᕐᓂᕐᒥᒃ, ᐃᑲᔪᖅᐸᒃᓗᓐᓂ ᐃᓕᓐᓂᐊᖅᑐᑦ ᓯᕗᓂᕐᓴᒥᖕᓄᑦ ᑎᑭᑦᑐᖕᓇᖁᑉᓗᒋᑦ. ᐅᔨᕈᓱᓚᐅᕐᒪᑦ ᐃᓐᓇᐃᑦ ᐃᑲᔪᕆᐊᖃᕐᓂᖏᓐᓂᒃ ᐃᓕᓂᐊᖅᑐᓂᒃ ᐱᒋᐊᖅᑎᑦᓯᑉᓗᓂ ᓯᓚᕐᔪᐊᕐᒥ ᓇᖕᒥᓂᖃᕐᓂᕐᒥᒃ ᐃᑲᔪᕐᓂᕐᒥᒃ ᑲᖏᖠᓂᕐᒥ (2021); ᑕᒻᓇ ᐃᑲᔪᖅᑐᐃᓇᐅᖏᓗᓂ ᐱᕙᓕᐊᓂᕐᒥᒃ ᑭᓯᐊᓂ ᐃᓕᖁᓯᖕᓂᒃ ᑕᑯᑲᓂᕐᓂᕐᒥᒃ ᐊᒪ ᖃᐅᔨᒪᓂᕐᓂᒃ ᐊᒥᖄᖃᑎᖃᕐᓂᕐᒥᒃ.

ᓂᖏᐅᓛᖅ ᕿᓕᖅᑎ 

ᓂᖏᐅᓛᖅ ᑭᓕᖅᑎ ᑭᒻᒥᕈᕐᒥᐅᑕᖅ, ᓄᓴᕘᒻᒥ ᐃᓅᓯᓗᒃᑖᒥᓂ ᑕᐃᑲᓐᓂ ᓄᓇᖃᖅᑐᖅ. ᓂᕈᐊᒐᐅᓚᐅᖅᑐᖅ ᒪᐃᔫᓂᕐᒧᑦ 2018 ᐊᑐᖅᑎᓪᓗᒍ ᐅᑭᐅᖃᖅᓗᓐᓂ 24-ᓂᒃ ᒪᒃᑯᓛᖑᑉᓗᓐᓂ ᑲᑎᒪᔨᓐᓂ ᓂᕈᐊᒐᐅᔪᖅ. ᓄᓇᓕᖕᒥᓂᒃ ᐃᑲᔪᖅᑐᐃᑎᐊᖅᑐᖅ ᐃᖃᓇᐃᔭᕆᐊᓚᐅᕐᓗᓐᓂ 13-ᓂᒃ ᐊᕌᒍᖃᕐᓗᓐᓂ. ᐊᔪᖏᓂᖓ ᐱᔪᑎᖃᖅᑐᖅ ᓴᖏᔪᒻᒥᒃ ᐃᖃᓇᐃᔭᕈᖕᓇᕐᒪᑦ ᐊᒻᒪ ᑐᒡᓴᔪᒪᓱᖅᑐᖅ, ᐊᔪᖏᓂᖏᑦ ᐊᓈᓇᒥᓂᑦ ᐱᓯᒪᔭᖓᑦ. ᓯᕗᒻᒧᒋᐊᖁᔨᔪᖅ ᓄᓇᓕᖕᒥᓂᒃ. ᓱᓇᒥᐊᓐᓂᒃ ᐃᖃᓇᐃᔭᕈᒪᓱᖅᑐᖅ ᐊᓈᓇᐅᑉᓗᓂᓗ ᓄᑕᖃᓐᓄᑦ ᓯᑕᒪᓐᓄᑦ. ᐊᑭᓕᖅᑐᒐᖏᓗᓐᓂ ᐃᖃᓇᐃᔭᕈᒪᓱᖅᑐᖅ, ᐊᖓᔪᖄᖑᑉᓗᓂ ᐊᓯᐊᖑᖅᑎᑦᓯᓗᓂᓘᓃᑦ ᓄᓇᓕᖕᒥᓂᒃ. ᐃᓅᖃᑎᒥᓂᒃ ᑲᔪᓯᑎᐊᖁᔨᔪᖅ ᐊᓯᖏᑕ ᐃᓅᓯᖏᓐᓂᒃ. 

ᒦᒐᓐ ᐳᐊᑕᓪ (ᑮᓇᐅᔭᓕᕆᔨ, ᐊᒪᐅᑎᓄᑦ)

Megan Porter is the former Mayor of Hamlet of Gjoa Haven. Porter was elected in 2019, and will finish her term in 2023. Porter also works full time with the Government of Nunavut as the Government Liaison Officer.