ᓄᓇᕗᑦ ᒐᕙᒪᖓ
ᒥᓂᔅᑕᐅᖃᑎᒌᑦ
ᒥᓂᔅᑕᐅᖃᑎᒌᑦ, ᐅᕝᕙᓘᓐᓃ ᓯᕗᓕᖅᑎᑦ ᑲᑎᒪᔨᖏᑦ, ᖁᑦᑎᒃᑐᒥᑦ ᐃᓱᒪᓕᐅᕆᔨᐅᕗᑦ ᒐᕙᒪᐅ ᐊᒻᒪ ᐃᓚᐅᑎᑦᓯᓪᓗᓂᑦ ᓯᕗᓕᖅᑎᒥᒃ ᐊᒻᒪ ᐊᕐᕕᓂᓖᑦ ᐊᑕᐅᓯᕐᓗ ᐃᓚᒋᔭᐅᔪᓂᒃ, ᑕᒪᐃᓐᓂ ᓂᕈᐊᖅᑕᐅᓯᒪᓪᓗᑎᒃ ᓄᓇᕗᒻᒥ ᒪᓕᒐᓕᐅᖅᑎᐅᖃᑎᒌᓂᑦ.
ᒪᓕᒐᓕᐅᖅᑎᑦ
ᑎᑎᕋᕐᕕᖓ
ᒐᕙᒪᒃᑯᑦ ᓄᓇᓕᖕᓂ ᑐᓴᐅᒪᑎᑦᑎᒥᖓᑦ ᐃᓄᖕᓄᑦ ᐊᑐᒐᐅᔪᖅ 23-ᓂ ᓄᓇᓕᖕᓂ
ᓄᓇᕘᑉ ᑲᒥᓯᓇᖓ
ᓄᓇᕗᒥ ᑲᒥᓯᓐᓇ ᑭᒐᖅᑐᐃᔨᐅᔪᖅ ᑲᓇᑕᐅᑉ ᒐᕙᒪᖏᓐᓄᑦ ᓄᓇᕘᒥ. ᒪᓐᓇ ᑲᒥᓯᓇᐅᔪᖅ ᐄᕙ ᖃᒪᓂᖅ ᐋᕆᐊᖅ.
ᓄᓇᓕᖕᓂᓗ ᐃᖅᑲᖅᑐᐃᕕᓕᕆᔨᒃᑯᑦ
ᓄᓇᓕᓐᓂᑦ ᒪᓕᒐᓕᕆᓂᕐᒧᑦ ᐱᓕᕆᕕᖓ ᐊᔪᙱᓐᓂᖅᑖᖅᑎᑦᑎᓇᓱᐊᓲᑦ ᓄᓇᕗᒻᒥᐅᓂᒃ ᐃᓅᓯᖏᓐᓂ ᑭᓱᓂᒃ ᐊᔪᕈᑕᐅᖃᑦᑕᖅᑐᓂᒃ ᖃᓄᐃᒻᒪᑦ ᐱᕋᔭᓕᓲᖑᖕᒪᖔᑕ ᓵᙵᓪᓗᒍ, ᓈᒻᒪᙱᓕᐅᕈᑎᐅᔪᓂᒃ ᐋᖅᑭᒃᓯᓇᓱᐊᕐᓂᒃᑯᑦ ᐊᒻᒪ ᐱᕋᔭᒃᑐᖃᖅᑐᕕᓂᐅᑎᓪᓗᒍ ᖃᓄᖅ ᐃᓕᖅᑯᓯᑐᖃᕐᒥᒃ ᒪᓕᒡᔫᒥᔪᑎᒍᑦ ᐱᓕᕆᐊᖑᓇᓱᐊᖁᓪᓗᒍ. ᑐᙵᕕᒋᔭᕗᑦ ᒪᓕᒃᑐᖅ ᐃᓄᐃᑦ ᐱᒻᒪᕆᐅᔪᖁᑎᖏᓐᓂᑦ ᐊᒻᒪ ᐱᓇᓱᐊᖅᐸᒃᐳᒍᑦ ᐃᓕᖅᑯᓯᑐᖃᕆᓚᐅᖅᑕᖏᓐᓄᑦ ᐅᑎᖅᑎᓐᓇᓱᐊᖅᐸᒃᖢᑎᒍ ᐃᓄᒃ ᐱᕋᔭᒃᑐᕕᓂᖅ. ᐃᖅᑲᖅᑐᐃᕕᒃᑰᕐᓂᐅᑉ ᓴᓂᐊᒍᑦ ᒪᓕᒐᓕᕆᓇᓱᐊᖅᐸᒃᐳᒍᑦ ᓄᓇᓕᖕᒥᐅᑦ ᐱᓕᕆᖃᑎᒋᓪᓗᑎᒍ ᐱᓂᕐᓗᒃᑕᐅᓂᒃᑯᑦ ᐊᒃᑐᖅᑕᐅᔪᕕᓂᕐᓄᑦ. ᐱᕋᔭᒃᑕᐃᓕᒪᑎᑦᑎᓂᕐᒥᒃ ᐱᓕᕆᐊᖃᓲᖑᔪᒍᑦ ᓈᒻᒪᙱᓕᐅᕈᑎᓂᒃ ᐋᖅᑭᒃᓯᓇᓱᖃᑎᒋᓪᓗᑎᒍ ᐃᓄᐃᑦ ᑲᔪᓯᒋᐊᒃᑲᓐᓂᕈᓐᓇᕐᓂᐊᕐᒪᑕ ᐃᓅᓯᖏᓐᓂᒃ ᖃᓄᐃᙱᑦᑎᐊᕐᓗᑎᒃ, ᖃᑕᙳᑎᒌᑦ ᖃᓄᐃᙱᑦᑎᐊᕐᓗᑎᒃ ᐊᒻᒪ ᓄᓇᓖᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᑲᔫᑎᒋᓪᓗᑎᒍ.
ᐱᕋᔭᒃᑕᐅᓯᒪᔪᓄᑦ ᐱᔨᑦᑎᕋᐅᑏᑦ
ᐱᕋᔭᒃᑕᐅᔪᕕᓂᕐᓄᑦ ᐱᔨᑦᑎᕋᐅᑏᑦ ᐊᑭᖃᙱᑦᑑᓪᓗᓂ ᐊᒻᒪ ᓇᒧᑐᐃᓐᓇᖅ ᐅᖃᐅᓯᐅᔭᕆᐊᖃᙱᖦᖢᓂ ᐃᑲᔪᖅᑕᐅᕝᕕᐅᔪᖅ ᑕᐃᒃᑯᓄᖓ ᐱᓂᕐᓗᒃᑕᐅᔪᕕᓂᕐᓄᑦ. ᐱᔨᑦᑎᕋᐅᑏᑦ ᐋᖅᑭᒃᓯᒪᔪᑦ ᐊᑐᓂ ᐱᕋᔭᒃᑕᐅᔪᕕᓂᕐᓄᑦ ᓈᒻᒪᒃᓯᓕᖅᓯᒪᓪᓗᑎᒃ − ᐱᕋᔭᒃᑕᐅᔪᕕᓂᐅᓂᕐᒧᑦ ᐳᑭᖅᑕᓕᖕᓄᑦ ᐅᖃᐅᓯᖃᕈᒪᖕᒪᖔᑕ, ᐅᖃᓪᓚᒡᕕᒃᓴᖃᕈᓐᓇᕐᓗᑎᒃ ᐃᖅᑲᖅᑐᐃᕕᒃᑰᓕᒑᑎᓪᓗᒋᑦ, ᐅᕝᕙᓘᓃᑦ ᑐᑭᓯᒋᐊᒃᑲᓐᓂᕈᒪᔪᖃᖅᐸᑦ ᐃᖅᑲᖅᑐᐃᔨᒧᑦ ᑎᓕᐅᖅᑐᕈᑎᑖᖅᑐᖃᓚᐅᖅᑎᓪᓗᒍ ᖃᓄᒃᑲᓐᓂᐅᔭᕆᐊᖃᕐᒪᖔᖅ ᖃᐅᔨᒋᐊᕈᒪᔪᓄᑦ. ᐃᑲᔪᕈᓐᓇᖅᑕᑦᑎᒋᑦ ᖃᓄᖅ ᐱᓕᕆᔪᓐᓇᖅᑕᕐᓂᒃ ᕿᓂᖅᓴᖃᑎᒋᓗᑎᒋᑦ, ᑐᓴᐅᒪᔭᕆᐊᖃᖅᑕᑎᑦ ᐱᓯᒪᒐᓗᐊᕐᒪᖔᖅᐱᑦ ᐊᒻᒪ ᐃᑲᔪᖅᓯᖅᑕᐅᒃᑲᓐᓂᕈᓐᓇᖅᖢᑎᑦ ᐃᓱᒪᓕᐅᕆᐊᖃᕈᕕᑦ.
ᐋᔩᖃᑎᒌᑦᑎᑦᑎᓂᕐᒧᑦ ᐱᓕᕆᐊᖅ
ᐋᔩᖃᑎᒌᒃᑎᑦᑎᓂᖕᒧᑦ ᐱᓕᕆᐊᖅ ᒪᓂᒪᑎᑕᐅᔪᖅ “ᒪᑐᓯᒪᓪᓗᓂ" ᐋᔩᖃᑎᒌᒃᑎᑦᑎᓂᐅᔪᖅ. ᑐᑭᖃᖅᑐᖅ ᑕᐅᑐᒃᑕᐅᖕᒪᑦ ᐃᓛᒃᑰᖓᓪᓗᓂ ᐃᖅᑲᖅᑐᐃᕕᓕᕆᓂᕐᒧᑦ ᑲᔪᓯᓂᕆᕙᑦᑕᖓ ᐃᓗᓕᖏᓪᓗ ᐋᔩᕈᑕᐅᔪᑦ ᑐᓴᖅᑕᐅᔭᕆᐊᖃᙱᑦᑐᑦ. ᑕᐃᒫᒃ ᐃᖅᑲᖅᑐᒐᒃᓴᐅᔪᖅ ᐱᕕᖃᕈᓐᓇᖅᐳᑦ ᐃᓱᒪᖅᓱᕐᓗᓂ ᐅᖃᓪᓚᒍᓐᓇᖅᑐᖅ ᑲᑉᐱᐊᓱᙱᓪᓗᓂᓗ ᐅᖃᐅᓯᕆᔭᖏᑦ ᐃᖅᑲᖅᑐᐃᔾᔪᑕᐅᓇᔭᕆᐊᒃᓴᖏᓐᓂᑦ. ᑕᒪᓐᓇ ᐱᓕᕆᐊᖑᓂᖓ ᐃᓱᒪᖅᓲᑕᐅᖕᒥᔪᖅ ᖃᖓᑐᐃᓐᓇᕐᓗ ᓇᓕᐊᑐᐃᓐᓇᖅ ᖃᖓᑐᐃᓐᓇᒃᑯᑦ ᓄᖅᑲᕈᓐᓇᖅᑐᖅ.
ᐊᑭᓕᖅᑕᐅᓱᐃᑦᑐᖅ ᖃᖓᒥᐊᕐᓗ ᓄᖃᕈᖕᓇᕐᓗᓂ.
ᐃᓚᒌᓄᑦ ᐱᓂᕐᓗᖃᑦᑕᐅᑎᑦᑕᐃᓕᒪᓂᕐᒧᑦ ᐱᖁᔭᖅ ᓄᓇᓕᖕᓂ ᐃᖃᖅᑐᐃᔨᓕᕆᓂᕐᒧᑦ ᐱᓕᕆᔨᑦ
ᓄᕕᒻᐱᒻᒥ 2006, ᑐᓴᐅᒪᑎᑕᐅᓚᐅᕐᓗᑎᒃ ᓄᓇᕘᒥ ᓄᓇᓖᑦ, ᒐᕙᒪᒃᑯᑦ ᑲᑎᒪᑉᕕᖓᑦ ᐊᖏᖃᑎᒌᓚᐅᕐᒪᑕ ᐃᓚᒌᑦ ᐊᑐᕐᓂᕐᓗᒃᑕᐅᔪᑦ ᓄᖃᖅᑎᑕᐅᓂᖏᓐᓄᑦ ᐱᖁᔭᒥᒃ. ᑕᒻᓇ ᐱᖁᔭᖅ ᓄᓇᕘᒥᐅᓐᓂᒃ ᐊᑐᕈᖕᓇᖅᑎᑦᓯᔪᖅ ᐊᑐᕐᓂᕐᓗᒃᑕᐅᓂᖅ ᐃᓚᒌᓐᓂ ᓄᖃᖁᑉᓗᒍ ᖃᓄᐃᑦᑐᖃᖏᓗᓂᓗ ᐃᓄᐃᓪᓗ ᐃᓕᖁᓯᖓ ᐊᑐᖅᑐᐃᓇᕐᓗᒍ ᐃᓚᒌᓂ. ᓄᓇᓕᖕᒥᐅᑦ ᓇᖕᒥᓂᕆᔭᑦ ᐊᒪ ᐱᔪᓪᓗᐊᖅᑎᑦᓯᑉᓗᓂ ᐋᕿᒃᓱᐃᓂᕐᒥᒃ ᐊᔪᕈᑕᐅᔪᓂᒃ. ᐊᑐᕐᓂᕐᓗᒃᑕᐅᑕᕐᓂᖅ ᓄᖃᖁᑉᓗᒍ ᐱᕙᓪᓕᐊᖏᓕᕐᓗᓂᓗ.
ᓄᓇᓕᖕᓂ ᐃᖃᖅᑐᐃᔨᓕᕆᓂᕐᒧᑦ ᐱᓕᕆᔨᑦ
ᑲᓇᑕᐅᑉ ᒐᕙᒪᖓ
ᐃᓕᖁᓯᖓᑦ ᐊᕐᓇᐃᑦ ᑲᓇᑕᒥ
ᐃᓕᖁᓯᖏᑦ ᐊᕐᓇᐃᑦ ᑲᓇᑕᒻᒥ ᐱᖓᓱᓐᓂᒃ ᐱᓕᕆᐊᖃᓗᐊᖅᑐᖅ: ᐊᕐᓇᐃᑦ ᓇᖕᒥᓂᖅ ᐱᓕᕆᔪᖕᓇᕐᓗᑎᒃ; ᓯᕗᓕᖅᑎᐅᔪᖕᓇᕐᓗᑎᒃ ᐊᒻᒪ ᐱᓂᕐᓗᒃᑕᐅᑦᑕᕐᓂᖏᑦ ᓄᖃᖁᑉᓗᒋᑦ.
ᐃᓕᖁᓯᖓᑦ ᐊᕐᓇᐃᑦ ᑲᓇᑕᒥ ᑮᓇᐅᔭᖃᖅᑎᑦᓯᓂᖓᑦ
ᑲᓇᑕᐅᑉ ᓄᓇᖃᖅᖃᖅᑐᑦ ᐃᓚᒌᖕᓂᖏᓐᓂ ᐱᓕᕆᐊᑦ ᑲᓇᑕᒥ
ᑲᓇᑕᐅᑉ ᓄᓇᖃᖅᖃᖅᑐᑦ ᐃᓚᒌᓂᖏᓐᓂ ᐱᓕᕆᐊᑦ ᑲᓇᑕᒥ, ᐃᓱᒡᒪᓗᒍᑎᖃᖅᑐᑦ ᑲᓇᑕᐅᑉ ᓄᓇᖃᖅᖄᖅᑐᓪᓗ ᐱᓕᕆᖃᑎᒌᖕᓂᖏᓐᓂᕐ, ᐃᓄᖕᓂᒃ ᒪᐃᑏᓂᒡᓗ; ᑲᓇᑕᐅᑉ ᒐᕙᒪᖏᑕ ᐃᓂᖃᖅᑎᑦᓯᓂᖓᓐᓂᒃ ᐃᑲᔪᕐᓂᖓᓂᒡᓗ ᐃᓱᒪᒋᔭᖏᓐᓂᒃ ᓯᕗᓂᕐᒥ; ᓯᕗᓕᒐᐅᓗᑎᒃ ᐱᓕᕆᐊᕐᓂ ᐅᑭᐅᖅᑕᖅᑐᒻᒥ.
ᑲᑎᒪᔨᕐᔪᐊᖅ ᑲᓇᑕᒻᒥ
ᓗᐊᕆ ᐃᓪᓚᐅᖅ ᒫᓐᓇ ᑲᑎᒪᕐᔨᕐᔪᐊᖑᔪᖅ ᑲᓇᑕᐅᑉ ᑲᑎᒪᑉᕕᖓᓂ.
ᑐᕌᕈᑎᖓ:
Email: lori.idlout@parl.gc.ca
ᐅᖃᓘᑎᖓ 613-992-2848