ᐊᕐᖕᓇᐃᑦ ᓇᖕᒥᓂᖅ ᒪᑭᑉᐸᓪᓕᐊᒍᑎᑦᓴᖏᑦ
ᐊᒪᐅᑏᑦ ᑕᑯᓐᓇᓐᖑᐊᕐᓯᒪᔭᖏᑦ ᑐᕌᕈᒪᔭᕗᑦ
ᐊᒪᐅᑏᑦ ᓄᓇᕗᒥ ᐊᕐᖕᓇᐃᑦ ᐃᓄᐃᑦ ᑲᑐᔾᔨᖃᑎᒌᖏᑦ ᑮᓇᐅᔭᓕᐅᕋᓱᑐᐃᓐᓇᕋᑎᖕ ᑲᑐᔾᔨᖃᑎᒌᖑᔪᑦ ᐊᖏᖅᓯᒪᔪᑦ ᐱᓂᐊᕐᓂᒃᑯᑦ ᖁᕝᕙᕐᑎᕆᓂᐊᕐᓂᕋᕐᑐᑎᖕ ᐊᕐᖕᓇᓂᑦ ᓄᓇᕗᒥᐅᓂᑦ ᓇᖕᒥᓂᖅ ᒪᑭᑉᐸᓪᓕᐊᖁᓪᓗᒋᑦ [ᐃᓄᐃᑦ ᐊᕐᖕᓇᐃᑦ] ᓇᐅᒃᑯᓕᒫᑦᓯᐊᖅ.
ᐃᓄᒃᑎᑐᑦ ᐊᒪᐅᑏᑦ ᑐᑭᑖᖅᑎᑦᑐᑎᒍ ᑕᑯᓐᓇᓐᖑᐊᕐᑕᑎᓐᓄᑦ ᑐᑭᖃᓛᖑᔪᖅ ᐃᓄᓐᖑᐃᔪᖅ, ᑐᑭᓕᒃ ᐊᔪᓐᖏᑦᓯᐊᕐᑐᑦ ᐃᓄᓐᖑᓴᕐᑕᐅᓯᒪᑦᓯᐊᕐᑐᑦ ᐃᓄᐃᑦ. ᐅᖃᐅᓯᖓ ᐃᓄᓐᖑᐃᓂᖅ ᑐᑭᖃᕐᒪᑦ ᐱᕈᕐᓴᐃᓂᖕᒥᑦ ᐊᔪᕆᕐᓯᐅᔾᔭᐅᓯᒪᑦᓯᐊᕐᑐᓪᓗ ᐊᖏᔪᖅᑳᖏᓄᑦ ᐊᓯᖏᓐᓄᓪᓗ. ᑕᐃᒫᖕ ᐱᔭᕆᑐᔪᓄᑦ ᐃᑲᔪᕐᑎᐅᓂᖅ, ᐱᒋᐊᓲᖑᒻᒪᑦ ᐃᓪᓕᐊᒥ ᓇᔾᔨᓕᕐᑎᓪᓗᒋᑦ, ᓴᓐᖓᑎᕆᓂᖅ, ᓇᓗᖅᑯᑎᓐᖏᓐᓂᖅ, ᓴᐱᓕᔪᐃᕐᓂᖅ, ᐊᔪᕈᕐᓃᓴᕐᑕᐅᓂᖅ ᐊᒻᒪ ᐃᓕᕋᑦᑕᐃᓕᓂᖅ ᑐᑭᓯᐅᒪᓂᐊᕐᖓᑕ ᓱᑯᑦᓯᐊᓃᒻᒪᖔᕐᒥ ᐃᓚᒌᓂ ᓄᓇᒥᓂᓗ.
ᐊᒪᐅᑏᑦ ᑐᓐᖓᕕᖃᕐᓂᐊᕐᖓᑕ ᐊᑲᕐᕆᕚᓪᓕᑎᑦᓯᓇᓱᓐᓂᕐᒥᑦ ᓄᓇᕗᒥᐅᓂᑦ ᐊᕐᖕᓇᓂᑦ ᐃᓚᖏᓐᓂᓪᓗ ᐃᓱᒪᖅᓴᖅᓯᐅᑦᓯᐊᕐᓯᒪᓗᑕ ᖃᐅᔨᓴᖃᑦᑕᕐᓗᑕ ᕿᒥᕐᕈᕙᓪᓗᒋᓪᓗ ᑐᑭᓯᓇᖁᓪᓗᒋᑦ. ᑲᑐᔾᔨᖃᑎᒌᖏᑦ ᑕᐱᖅᑖᓂᐊᕐᑐᑦ ᐃᑲᔪᕐᑎᑦᓴᒥᓐᓂᖕ ᑲᑐᔾᔨᖃᑎᑦᓴᒥᓂᓪᓗ ᑕᐃᒫᑦᓴᐃᓐᓇᖅ ᐃᓱᒪᖃᕐᑐᓂᑦ ᐊᓯᔾᔩᔪᒪᔪᓂᑦ ᓄᓇᕗᒥ ᓯᓚᑖᓂᓗ, ᐃᓚᖓᒍᓪᓗ ᐅᐸᓗᖓᐃᕐᑕᐅᓯᒪᔪᑦ ᐃᑲᔪᕐᑎᐅᖃᑎᒌᓐᓂᖅ ᑕᑎᒋᔭᐅᓂᒃᑯᓪᓗ ᓂᐱᒋᔭᐅᓗᑎᖕ ᐱᔪᓐᓇᐅᑎᒃᑯᑦ ᐊᒻᒪ ᑭᓐᖒᒪᕙᑦᑕᖏᓂᑦ ᐊᕐᖕᓇᐃᑦ ᐃᓚᖏᓪᓗ ᐊᑐᐃᓐᓇᖃᕐᑎᑦᓯᓂᒃᑯᑦ.
Amautiit’s Board of Directors are Tara Tootoo Fotheringham(President), Lynn Mike (Vice President), Priscilla Kuksuk, Dorothy Tootoo, Megan Porter, and Jasmine Redfern.
ᐊᒪᐅᑏᑦ ᑮᓇᐅᔭᕐᑖᖅᑎᑕᐅᕙᑦᑐᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐊᖅᑯᑕᐅᓪᓗᑎᖕ ᓄᓇᖃᖅᑳᕐᓯᒪᔪᑦ ᐊᕐᖕᓇᐃᑦ ᑲᑐᔾᔨᖃᑎᒌᖏᑦ ᑲᓇᑕᒥ (NWAC).